இந்தியாவில் நடைபெற்று வரும் சர்வதேச செயற்கை நுண்ணறிவு (AI) உச்சிமாநாட்டில், மைக்ரோசாப்ட் நிறுவனத்தின் இணை நிறுவனர் Bill Gates முக்கிய உரை நிகழ்த்தாமல் விலகியிருப்பது, தேசிய மற்றும் சர்வதேச அளவில் பெரும் கவனத்தை ஈர்த்துள்ளது. குறிப்பாக, சமீப காலமாக பேசுபொருளாகி வரும் ‘எஃப்ஸ்டீன் கோப்புகள்’ சர்ச்சையின் பின்னணியில் இந்த முடிவு எடுக்கப்பட்டதா என்ற கேள்விகள் எழுந்துள்ளன.
புதுடெல்லியில் உள்ள Bharat Mandapam அரங்கில், கடந்த 16ஆம் தேதி தொடங்கிய AI தாக்க உச்சிமாநாடு, உலகின் முக்கிய தொழில்நுட்ப நிகழ்வுகளில் ஒன்றாகக் கருதப்படுகிறது. இந்த மாநாட்டில் 110-க்கும் மேற்பட்ட நாடுகளைச் சேர்ந்த பிரதிநிதிகள், 30 சர்வதேச அமைப்புகள் மற்றும் 45 நாடுகளின் அமைச்சர்கள் பங்கேற்றுள்ளனர். செயற்கை நுண்ணறிவின் எதிர்காலம், அதன் நிர்வாக கட்டுப்பாடுகள், சமூகப் பயன்பாடுகள் மற்றும் பொருளாதார தாக்கங்கள் குறித்து விரிவான விவாதங்கள் நடைபெற்று வருகின்றன.
இந்த மாநாட்டின் முக்கிய நிகழ்வாக, பில் கேட்ஸ் உரையாற்றவுள்ளார் என எதிர்பார்க்கப்பட்ட நிலையில், திடீரென அவர் உரையை தவிர்ப்பதாக அறிவிக்கப்பட்டது.
இந்த விவகாரம் தொடர்பாக Bill & Melinda Gates Foundation வெளியிட்டுள்ள அறிக்கையில்,
“AI உச்சிமாநாட்டின் மைய நோக்கங்கள் மற்றும் முன்னுரிமைகள் மீது முழுமையான கவனம் செலுத்துவதற்காக, பில் கேட்ஸ் இந்த மாநாட்டில் முக்கிய உரையை நிகழ்த்த வேண்டாம் என்று முடிவு செய்துள்ளார். பல்வேறு அம்சங்களை கவனமாக பரிசீலித்த பிறகே இந்த முடிவு எடுக்கப்பட்டுள்ளது” என தெரிவிக்கப்பட்டுள்ளது.
மேலும், இந்தியா மற்றும் ஆப்பிரிக்காவில் நடைபெறும் சுகாதாரம், கல்வி மற்றும் வளர்ச்சி சார்ந்த திட்டங்களில் கேட்ஸ் அறக்கட்டளை தொடர்ந்து உறுதியாக செயல்பட்டு வருவதாகவும் அந்த அறிக்கையில் குறிப்பிடப்பட்டுள்ளது.
பில் கேட்ஸ் சார்பாக, அறக்கட்டளையின் ஆப்பிரிக்கா மற்றும் இந்திய அலுவலகங்களின் தலைவர் அங்கூர் வோரா, இந்த உச்சிமாநாட்டில் பங்கேற்று உரையாற்றுவார் என்றும் அறிவிக்கப்பட்டுள்ளது.
அரசியல் மற்றும் நிர்வாக வட்டாரங்களில் இருந்து வெளிவரும் தகவல்களின் படி, இந்த உச்சிமாநாடு முழுவதும் AI தொடர்பான விவாதங்களிலேயே கவனம் செலுத்த வேண்டும் என்பதே அரசின் நிலைப்பாடாக இருப்பதாக கூறப்படுகிறது. மாநாட்டின் மைய நோக்கத்தைத் திசைமாற்றக்கூடிய எந்தவொரு தனிநபர் சர்ச்சையும் உருவாகக் கூடாது என்பதற்காகவே இந்த முடிவு எடுக்கப்பட்டிருக்கலாம் எனவும் தகவல்கள் தெரிவிக்கின்றன.
இந்த சூழலில்தான், மறைந்த அமெரிக்க தொழிலதிபரும் பாலியல் குற்றவாளியுமான Jeffrey Epstein தொடர்பான ஆவணங்கள் மீண்டும் பேசுபொருளாகியுள்ளன. கடந்த மாதம் அமெரிக்க நீதித்துறை வெளியிட்ட எஃப்ஸ்டீன் கோப்புகளின் தொகுப்பில், பில் கேட்ஸ் பெயர் பல இடங்களில் இடம்பெற்றதாக தகவல்கள் வெளியாகின.
அந்த ஆவணங்களில் இடம்பெற்றதாகக் கூறப்படும் சில மின்னஞ்சல்கள், பில் கேட்ஸ் மற்றும் எஃப்ஸ்டீன் இடையிலான தொடர்புகளை விவரிப்பதாக கூறப்பட்டன. இதனால் சர்வதேச அளவில் பெரும் சர்ச்சை எழுந்தது.
இந்த குற்றச்சாட்டுகள் குறித்து முன்பே விளக்கம் அளித்திருந்த பில் கேட்ஸ்,
“எஃப்ஸ்டீனுடன் தொடர்பு வைத்திருந்த ஒவ்வொரு நிமிடத்தையும் நான் வருந்துகிறேன். அது ஒரு தவறான முடிவு. அவருடன் நான் 2011ஆம் ஆண்டு சில சமூக நிகழ்வுகளில் மட்டுமே சந்தித்தேன். எந்தவொரு சட்டவிரோத செயல்களிலும், பெண்கள் தொடர்பான விவகாரங்களிலும் நான் ஈடுபடவில்லை” என்று தெரிவித்துள்ளார்.
மேலும், சுகாதாரத் திட்டங்களுக்கு நிதி திரட்டும் நோக்கத்திலேயே அந்த சந்திப்புகள் நடைபெற்றதாகவும், அது பயனற்ற முயற்சி என்பது பின்னரே தெரிய வந்ததாகவும் அவர் கூறியிருந்தார்.
பில்கேட்ஸ் உரையை தவிர்த்த முடிவு, அதிகாரப்பூர்வமாக AI விவாதங்களில் கவனம் செலுத்தும் நோக்கில் எடுக்கப்பட்டதாக கூறப்பட்டாலும், எஃப்ஸ்டீன் கோப்புகள் தொடர்பான சர்ச்சையின் தாக்கம் இதில் மறைமுகமாக இருக்கலாம் என்ற சந்தேகம் நீங்கவில்லை.
உலக அளவில் தொழில்நுட்பம், அரசியல், தனிநபர் நம்பகத்தன்மை ஆகியவை ஒன்றோடொன்று பின்னிப்பிணைந்திருக்கும் இந்த காலகட்டத்தில், ஒரு முக்கிய தொழில்நுட்ப மாநாட்டில்கூட சர்ச்சைகளின் நிழல் தவிர்க்க முடியாததாக மாறியுள்ளது.
AI உச்சிமாநாடு தொடர்ந்து நடைபெற்று வரும் நிலையில், இந்த விவகாரம் மாநாட்டின் அரசியல் மற்றும் ஊடக கவனத்தை எவ்வளவு தூரம் பாதிக்கும் என்பது வரும் நாட்களில் தெளிவாகும்.
தமிழக வெற்றிக் கழகத்திற்கு ‘விசில்’ சின்னம் – தேர்தல் ஆணையம் அதிகாரப்பூர்வ ஒப்புதல் தமிழக அரசியல் களத்தில் புதிய அத்தியாயத்தை தொடங்கியுள்ள நடிகர் விஜய்யின் தமிழக வெற்றிக் கழகம் (TVK), தனது முதல் சட்டமன்றத் தேர்தலை எதிர்கொள்ள தயாராகி வருகிறது. 2026 ஆம் ஆண்டு நடைபெற உள்ள தமிழ்நாடு சட்டமன்றத் தேர்தலை முன்னிட்டு, அக்கட்சி கோரியிருந்த ‘விசில்’ சின்னத்தை இந்திய தேர்தல் ஆணையம் அதிகாரப்பூர்வமாக ஒதுக்கியுள்ளது. தமிழக வெற்றிக் கழகம் தற்போது பதிவு செய்யப்பட்டிருந்தாலும், இன்னும் அங்கீகாரம் பெறாத கட்சியாகும். இருப்பினும், மாநிலம் முழுவதும் உள்ள 234 தொகுதிகளிலும் ஒரே சின்னத்தில் போட்டியிடும் வகையில், தேர்தல் ஆணையம் பொதுச் சின்னம் வழங்கியுள்ளது. தேர்தல் ஆணையத்திடம் கட்சி சார்பில் சமர்ப்பிக்கப்பட்ட 10 விருப்பச் சின்னங்களில் ‘விசில்’ முதலிடத்தில் இடம்பெற்றிருந்தது. கட்சித் தலைவர் விஜய் விரும்பிய சின்னமே ஒதுக்கப்பட்டுள்ளதால், கட்சித் தொண்டர்கள் மற்றும் ஆதரவாளர்கள் மத்தியில் பெரும் உற்சாகம் ஏற்பட்டுள்ளது. ஒரு புதிய அரசியல் கட்சிக்கு மாநில அளவில் ஒரே சின்னம் வழங்கப்படுவது, அந்தக் கட்சியின் அடையாளத்தை பொதுமக்களிடம் விரைவாக கொண்டு செல்ல உதவும் முக்கிய அம்சமாகக் கருதப்படுகிறது. ‘விசில்’ சின்னம் எச்சரிக்கை, விழிப்புணர்வு மற்றும் மாற்றத்தைக் குறிக்கும் அடையாளமாக பார்க்கப்படுகிறது. ஊழலுக்கு எதிரான குரல் அல்லது புதிய அரசியல் தொடக்கத்தின் குறியீடாக இதனை த.வெ.க. பயன்படுத்தும் வாய்ப்பும் உள்ளது. இதுகுறித்து கட்சியின் தகவல் தொழில்நுட்பப் பிரிவு நிர்வாகி சி.டி.ஆர். நிர்மல் குமார் கூறுகையில், “எங்கள் தலைவர் விரும்பிய விசில் சின்னமே கிடைத்துள்ளது. இது கட்சியின் அரசியல் பயணத்தில் ஒரு முக்கிய ஆரம்ப கட்டமாகும்” எனத் தெரிவித்துள்ளார். இதனிடையே, நடிகர் கமல்ஹாசன் தலைமையிலான மக்கள் நீதி மய்யம் கட்சிக்கும், அவர்கள் பயன்படுத்தி வந்த ‘டார்ச் லைட்’ சின்னம் பொதுச் சின்னமாக மீண்டும் ஒதுக்கப்பட்டுள்ளது. இதன் மூலம் 2026 சட்டமன்றத் தேர்தலை முன்னிட்டு, அரசியல் கட்சிகளின் பிரச்சாரமும் சின்னங்களும் இப்போதே கவனம் பெறத் தொடங்கியுள்ளன.
2026-ல் முழுமையாக அப்டேட் ஆகும் ஐபோன்கள்… விபரம் என்ன? செயற்கை நுண்ணறிவு (AI) துறையில் உலகளாவிய அளவில் கடும் போட்டி நிலவி வரும் நிலையில், அந்த போட்டியை எதிர்கொள்ள ஆப்பிள் நிறுவனம் ஒரு பெரிய திட்டத்தை தயாரித்து வருவதாக தகவல்கள் வெளியாகியுள்ளன. அதன்படி, 2026-ஆம் ஆண்டு ஆப்பிள் நிறுவனத்திற்கு AI அடிப்படையிலான மிக முக்கியமான திருப்புமுனை ஆண்டாக அமையக்கூடும் என தொழில்நுட்ப வட்டாரங்கள் தெரிவிக்கின்றன. ஏஐ போட்டியில் ஏன் பின்னடைவை சந்தித்த ஆப்பிள்? ஓபன் ஏஐ, கூகுள், மைக்ரோசாப்ட் போன்ற முன்னணி நிறுவனங்கள் 2022 மற்றும் 2023-ஆம் ஆண்டுகளிலேயே ஏஐ துறையில் தீவிரமாக கால்பதித்துவிட்டன. ChatGPT Google Gemini Microsoft Copilot போன்ற ஏஐ சேவைகள் மிக வேகமாக வளர்ச்சி கண்டன. இதற்குப் பின்னணியாக, ஆப்பிள் 2024-ஆம் ஆண்டில்தான் ‘Apple Intelligence’ என்ற தனது ஏஐ தளத்தை அதிகாரப்பூர்வமாக அறிமுகப்படுத்தியது. இதனால், போட்டியாளர்களை விட ஆப்பிள் சற்றே தாமதமாக ஏஐ பயணத்தை தொடங்கியதாக விமர்சனங்கள் எழுந்தன. Apple Intelligence: எதிர்பார்ப்பை பூர்த்தி செய்ததா? Apple Intelligence மூலம், Writing Tools Clean Up (புகைப்படங்களில் தேவையற்ற பொருட்களை நீக்கும் வசதி) On-device AI processing போன்ற அம்சங்கள் அறிமுகப்படுத்தப்பட்டன. ஆனால், கூகுள் ஜெமினி ChatGPT Copilot போன்ற ஏஐ மாடல்களுடன் ஒப்பிடும்போது, ஆப்பிளின் ஏஐ அம்சங்கள் அதே அளவிலான திறனை வழங்கவில்லை என பல தொழில்நுட்ப விமர்சகர்கள் கூறினர். புதுப்பிக்கப்பட்ட Siri – இன்னும் முழுமை பெறவில்லை Apple Intelligence-இன் முக்கிய அங்கமாக கருதப்பட்ட புதுப்பிக்கப்பட்ட Siri, இன்னும் முழுமையான ஏஐ அசிஸ்டென்ட் அனுபவத்தை வழங்கவில்லை என்பதே ஆப்பிள் எதிர்கொள்ளும் பெரிய சவாலாக உள்ளது. இயற்கையான உரையாடல் திறன் கான்டெக்ஸ்ட் புரிதல் ஆப்-டூ-ஆப் செயல்பாடுகள் போன்ற விஷயங்களில் Siri, போட்டியாளர்களை விட பின்தங்கியுள்ளதாக விமர்சனம் செய்யப்படுகிறது. 2026-ல் ஆப்பிளின் ‘மாஸ்டர் பிளான்’ என்ன? தொழில்நுட்ப வட்டார தகவல்களின் படி, 2026-ல்: முழுமையாக ஏஐ-ஆதரவு பெற்ற Siri ஐபோன்களில் ஆழமாக ஒருங்கிணைக்கப்பட்ட Apple Intelligence அதிக சக்தி வாய்ந்த on-device AI processing தனியுரிமையை மையமாகக் கொண்ட ஏஐ அம்சங்கள் அறிமுகப்படுத்தப்படலாம் என கூறப்படுகிறது. இதன் மூலம், AI போட்டியில் ஆப்பிள் தன் இழந்த முன்னிலையை மீட்டெடுக்க திட்டமிட்டு வருவதாக தெரிகிறது. முடிவாக AI உலகில் தாமதமாக நுழைந்தாலும், “சரியான நேரத்தில், சரியான முறையில்” ஒரு பெரிய மாற்றத்தை கொண்டு வருவதே ஆப்பிளின் நீண்டகால யுக்தியாக இருக்கலாம். 2026-ல் அப்டேட் ஆகும் ஐபோன்கள், வெறும் ஹார்ட்வேர் அப்டேட் அல்ல முழுமையான AI அனுபவத்தை வழங்கும் சாதனங்களாக மாறும் என்று எதிர்பார்க்கப்படுகிறது.
டிஜிட்டல் தொழில்நுட்பம் வளர்ந்த இந்த காலகட்டத்தில், அதையே ஆயுதமாக மாற்றி பொதுமக்களை ஏமாற்றும் சைபர் குற்றவாளிகளின் எண்ணிக்கை நாளுக்கு நாள் அதிகரித்து வருகிறது. குறிப்பாக, ‘டிஜிட்டல் அரெஸ்ட்’, ‘ஆன்லைன் விசாரணை’ போன்ற வார்த்தைகளை பயன்படுத்தி, மூத்த குடிமக்களை மனதளவில் மிரட்டி, அவர்கள் வாழ்நாள் சேமிப்பை பறிக்கும் சம்பவங்கள் தொடர்ச்சியாக நடந்து வருகின்றன. மும்பையில் நடந்த சமீபத்திய ஒரு சம்பவம், இந்த மோசடிகள் எந்த அளவுக்கு திட்டமிட்டு நடத்தப்படுகின்றன என்பதைக் காட்டுகிறது. இந்த முறை, சைபர் குற்றவாளிகள் முன்னாள் இந்திய தலைமை நீதிபதி சந்திரசூட்டின் பெயரையே பயன்படுத்தி, ஒரு மூதாட்டியிடமிருந்து சுமார் 3 கோடியே 71 லட்சம் ரூபாயை மோசடியாகப் பறித்துள்ளனர். காவல்துறை மற்றும் சிபிஐ விசாரணை என்ற பெயரில் நடந்த இந்த நாடகத்தில், அந்தப் பெண் பல வாரங்கள் தொடர்ந்து மிரட்டப்பட்டு, மனதளவில் முற்றிலும் கட்டுப்படுத்தப்பட்டதாக போலீஸ் விசாரணையில் தெரியவந்துள்ளது. ஒரு தொலைபேசி அழைப்பில் தொடங்கிய பயம் மும்பையின் அந்தேரி மேற்கு பகுதியில் கடந்த 26 ஆண்டுகளாக வசித்து வரும் அந்த மூதாட்டிக்கு, கடந்த ஆகஸ்ட் 18 அன்று ஒரு மர்ம தொலைபேசி அழைப்பு வந்துள்ளது. “உங்கள் அழைப்பை கொலாபா காவல் நிலையத்துடன் இணைக்கிறேன்” என்று கூறிய அந்த நபர், அழைப்பைத் துண்டித்துள்ளார். சில நிமிடங்களில், அந்தப் பெண்ணுக்கு வாட்ஸ்ஆப்பில் ஒரு வீடியோ கால் வந்துள்ளது. மறுமுனையில் பேசிய நபர், தன்னை காவல் நிலைய அதிகாரி என்று அறிமுகப்படுத்தி, “உங்கள் ஆதார் விவரங்கள் தவறாக பயன்படுத்தப்பட்டுள்ளன. உங்கள் பெயரில் ஒரு வங்கிக் கணக்கு தொடங்கப்பட்டு, அது சட்டவிரோத பணப் பரிமாற்றத்திற்குப் பயன்படுத்தப்படுகிறது” என்று கூறியுள்ளார். இந்த தகவலைக் கேட்ட அந்த மூதாட்டி அதிர்ச்சியடைந்துள்ளார். தனக்கு அப்படி எந்தக் கணக்கும் இல்லை என்றும், தான் எந்தக் குற்றத்திலும் ஈடுபடவில்லை என்றும் அவர் விளக்கம் அளிக்க முயன்றுள்ளார். கைது மிரட்டலும் போலி ஆவணங்களும் அவரின் விளக்கத்தை கேட்காமல், மோசடி நபர்கள் “இந்த வழக்கில் ஏற்கனவே ஒருவர் கைது செய்யப்பட்டுள்ளார். உங்கள் பெயரும் அதில் இருப்பதால், எப்போது வேண்டுமானாலும் நீங்கள் கைது செய்யப்படலாம்” என்று மிரட்டியுள்ளனர். மேலும், இது தொடர்பான போலி கடிதங்களையும், சட்ட ஆவணங்களைப் போல வடிவமைக்கப்பட்ட சில பதிவுகளையும் அவருக்கு அனுப்பியுள்ளனர். “நாங்கள் விசாரணை நடத்துகிறோம். எங்கள் கேள்விகளுக்கு பதில் அளிக்க வேண்டும். இல்லையெனில் உங்கள் வீட்டிற்கு வந்து உங்களையும், உங்கள் குடும்பத்தினரையும் கைது செய்வோம்” என்று அவர்கள் தொடர்ந்து அழுத்தம் கொடுத்துள்ளனர். இந்த விவகாரத்தை யாரிடமும் சொன்னால், அவர்களும் சட்ட நடவடிக்கைக்கு உள்ளாவார்கள் என்றும் எச்சரித்துள்ளனர். இதன் காரணமாக, அந்த மூதாட்டி கடும் பயத்தில் ஆழ்ந்துள்ளார். தனது வங்கிக் கணக்குகள், முதலீடுகள், வீட்டுத் தகவல்கள் என அனைத்தையும் அவர்களிடம் தெரிவிக்கத் தொடங்கியுள்ளார். ‘ஆன்லைன் நீதிமன்றம்’ என்ற நாடகம் ஒரு கட்டத்தில், இந்த வழக்கை சிபிஐ விசாரித்து வருவதாகவும், 24 மணிநேரமும் அவர்களது கண்காணிப்பில் இருக்க வேண்டுமென்றும் கூறியுள்ளனர். விசாரணை நடத்தும் அதிகாரியின் பெயர் எஸ்.கே. ஜெயஸ்வால் என்றும் தெரிவித்துள்ளனர். அதன் பின்னர், அந்தப் பெண்ணிடம் அவரது வாழ்க்கையைப் பற்றி 2 முதல் 3 பக்கங்களுக்கு ஒரு கட்டுரை எழுதச் சொல்லியுள்ளனர். “இது உங்கள் நிரபராதத்தை நிரூபிக்க உதவும்” என்று கூறி, அவருக்கு நம்பிக்கை அளித்துள்ளனர். பின்னர் நடந்தது இன்னும் அதிர்ச்சியளிப்பதாக உள்ளது. வீடியோ காலில் வந்த ஒருவர், தன்னை முன்னாள் தலைமை நீதிபதி சந்திரசூட் என்று அறிமுகப்படுத்திக் கொண்டு, “உங்கள் வழக்கு தீவிரமானது. ஆனால் நீங்கள் நிரபராதி” என்று கூறி, அவரது முதலீட்டு ஆவணங்களை கேட்டுள்ளார். அந்தப் பெண், இது உண்மையான நீதிமன்ற விசாரணை என்றே நம்பியுள்ளார். கணக்குகளை காலி செய்யச் செய்த திட்டம் சிறிது நேரத்தில், “உங்கள் கணக்கில் சைபர் தாக்குதல் நடந்துள்ளது” என்று கூறி, விசாரணையின் ஒரு பகுதியாக அவரது மியூச்சுவல் ஃபண்ட் முதலீடுகளை பணமாக்கச் சொன்னுள்ளனர். பின்னர், அந்த தொகையில் 90 முதல் 95 சதவீதத்தை அவர்கள் கொடுத்த வங்கிக் கணக்கிற்கு தற்காலிகமாக மாற்ற வேண்டும் என்றும் கூறியுள்ளனர். கைது பயத்தில் இருந்த அந்த மூதாட்டி, அவர்கள் சொன்னபடி பணத்தை அனுப்பியுள்ளார். இதற்குப் பிறகு, தொடர்ந்து வெவ்வேறு வங்கிக் கணக்குகளுக்குப் பணம் அனுப்புமாறு மிரட்டல்கள் வந்துள்ளன. ஆகஸ்ட் முதல் அக்டோபர் வரை நடந்த இந்த மோசடியில், மொத்தமாக 3 கோடியே 71 லட்சம் ரூபாய் பறிக்கப்பட்டுள்ளது. பணத்தைத் திரும்பக் கேட்டபோது, ஒவ்வொரு முறையும் புதிய காரணங்களைச் சொல்லி காலம் கடத்தினர். இதன் பின்னர்தான் தான் மோசடியில் சிக்கியிருப்பதை அந்தப் பெண் உணர்ந்துள்ளார். காவல் நிலையத்தில் புகார் – வெளிவந்த உண்மை அக்டோபர் 13 அன்று, அந்த மூதாட்டி காவல் நிலையத்தில் புகார் அளித்துள்ளார். வாட்ஸ்ஆப் உரையாடல்கள், வங்கிப் பரிவர்த்தனை விவரங்கள், ஸ்கிரீன் ஷாட்கள் ஆகியவற்றை காவல்துறையிடம் ஒப்படைத்துள்ளார். இந்த வழக்கில் ஒரு நபர் கைது செய்யப்பட்டுள்ளதாக தகவல்கள் வெளியாகியுள்ளன. இப்படிப்பட்ட அழைப்பு வந்தால் என்ன செய்ய வேண்டும்? காவல்துறையோ, சிபிஐயோ ஒருபோதும் வாட்ஸ்ஆப், வீடியோ கால் அல்லது சமூக ஊடகங்கள் வழியாக விசாரணை நடத்துவதில்லை. கைது செய்வதாக மிரட்டுவதும் இல்லை. அப்படிப்பட்ட அழைப்புகள் வந்தால், எந்தத் தகவலையும் பகிராமல் உடனே அந்த எண்ணைத் துண்டித்து, பிளாக் செய்ய வேண்டும். உயர் அதிகாரிகளின் புகைப்படங்கள், நீதிமன்ற பின்னணி போன்றவை காண்பிக்கப்பட்டாலும், அதனால் நம்ப வேண்டாம். இது ஒரு திட்டமிட்ட நாடகமாக இருக்கலாம். சைபர் மோசடியில் சிக்கினால், உடனடியாக அரசு நடத்தும் சைபர் குற்ற புகார் தளத்தில் அல்லது உள்ளூர் சைபர் காவல் நிலையத்தில் புகார் அளிக்க வேண்டும். தாமதமின்றி புகார் அளித்தால், பணத்தை மீட்டெடுக்கும் வாய்ப்பு அதிகமாக இருக்கும் என நிபுணர்கள் எச்சரிக்கின்றனர்.
லண்டன் நகரின் பரபரப்பான பகுதியில், பொதுமக்கள் நடமாட்டம் அதிகமாக இருக்கும் நேரத்தில், முகமூடி அணிந்து ஆயுதங்களுடன் வந்த மர்ம நபர்கள் ஒரு நகைக்கடையில் திடீரென நுழைந்து கொள்ளையடித்த சம்பவம் பெரும் பரபரப்பை ஏற்படுத்தியுள்ளது. சுத்தியல்களை பயன்படுத்தி கண்ணாடி அலமாரிகளை உடைத்த கொள்ளையர்கள், அங்கிருந்த மதிப்புமிக்க நகைகளை எடுத்துச் சென்றதாக தெரிவிக்கப்படுகிறது. இந்த துணிகர கொள்ளை சனிக்கிழமை காலை சுமார் 10.30 மணியளவில் நடந்துள்ளது. எந்தவித அச்சமும் இன்றி சில நிமிடங்களிலேயே கொள்ளையை நிறைவேற்றிய அவர்கள், சம்பவ இடத்திலிருந்து விரைவாக தப்பிச் சென்றுள்ளனர். இதனால் அப்பகுதியில் இருந்த பொதுமக்கள் மத்தியில் பெரும் அதிர்ச்சி ஏற்பட்டது. குறிப்பிடத்தக்க வகையில், இந்த கொள்ளை சம்பவம் பிரபலமான ‘டெட் லாசோ’ என்ற தொலைக்காட்சி தொடரின் படப்பிடிப்பு நடைபெற்ற இடத்திற்கு அருகில் நடந்துள்ளது. ஏற்கனவே கவனத்தை பெற்றிருந்த அந்தப் பகுதியில், இச்சம்பவம் மேலும் பரபரப்பையும் பாதுகாப்பு குறித்த கேள்விகளையும் எழுப்பியுள்ளது. சம்பவத்தின் போது கடையில் இருந்த ஊழியர்கள் மற்றும் பொதுமக்களுக்கு உடனடி பாதிப்பு எதுவும் ஏற்படவில்லை என தெரிவிக்கப்படுகிறது. இருப்பினும், அருகிலுள்ள கண்காணிப்பு கேமராக்களில் கொள்ளை தொடர்பான காட்சிகள் பதிவாகியுள்ளதாகவும், அதன் அடிப்படையில் குற்றவாளிகளை அடையாளம் காண லண்டன் காவல்துறை தீவிர விசாரணை மேற்கொண்டு வருவதாகவும் அதிகாரிகள் தெரிவித்துள்ளனர்.
ஜீவா நடிப்பில் ‘தலைவர் தம்பி தலைமையில்’ திரைப்படம் இன்று திரையரங்குகளில் வெளியீடு சென்னை: நடிகர் ஜீவா நடிப்பில் உருவாகியுள்ள ‘தலைவர் தம்பி தலைமையில்’ திரைப்படம் இன்று தமிழகம் முழுவதும் திரையரங்குகளில் வெளியாகியுள்ளது. குடும்ப ரசிகர்களை கவரும் வகையில் கதையும் திரைக்கதையும் அமைக்கப்பட்டுள்ளதாக படக்குழு தெரிவித்துள்ளது. ஜீவா, இதற்கு முன்பு ‘ஆசை ஆசையாய்’ திரைப்படத்தின் மூலம் தமிழ் சினிமாவில் நடிகராக அறிமுகமானார். அதன் பின்னர் காமெடி, காதல், ஆக்ஷன் என பல்வேறு கதாபாத்திரங்களில் நடித்துள்ளார். இந்த புதிய படத்தில், சமூகப் பின்னணியுடன் கூடிய முக்கியமான கதாபாத்திரத்தில் அவர் நடித்துள்ளதாக கூறப்படுகிறது. திரைப்படத்தில் அரசியல் மற்றும் குடும்ப உணர்வுகளை மையமாக கொண்டு கதை நகர்வதாக தகவல்கள் வெளியாகியுள்ளன. இயக்கம், இசை மற்றும் நடிகர்களின் நடிப்பு படத்திற்கு முக்கிய பலமாக இருக்கும் என எதிர்பார்க்கப்படுகிறது. இன்று வெளியானதைத் தொடர்ந்து, ரசிகர்கள் மற்றும் விமர்சகர்கள் மத்தியில் படத்திற்கு நல்ல வரவேற்பு கிடைக்குமா என்ற எதிர்பார்ப்பு உருவாகியுள்ளது. முதல் நாள் வசூல் மற்றும் ரசிகர் கருத்துகள் விரைவில் வெளியாகும் என எதிர்பார்க்கப்படுகிறது.
மத்திய கிழக்கு பகுதியில் போர் பதற்றம் அதிகரித்துள்ள நிலையில், பொதுவாக பாதுகாப்பான முதலீடாக கருதப்படும் தங்கத்தின் விலை உயர்வதே வழக்கம். ஆனால் தற்போதைய Iran போர் சூழலில் தங்கம் விலை தொடர்ந்து சரிவை சந்தித்துள்ளது. 3 நாளாக தொடர்ந்து சரிவு கடந்த மூன்று நாட்களாக தங்கம் விலை தொடர்ந்து குறைந்து வருகிறது. இன்று ஒரு சவரன் தங்கம் ₹2,120 குறைந்து ₹1,21,600 ஆக விற்பனை செய்யப்படுகிறது. ஒரு கிராம் தங்கம் ₹265 குறைந்து ₹15,200 ஆக உள்ளது. மொத்தத்தில் கடந்த 3 நாட்களில் மட்டும் தங்கம் ₹4,600 வரை குறைந்துள்ளது. வெள்ளி விலையும் சரிவு தங்கத்துடன் சேர்ந்து வெள்ளி விலையும் சரிவை சந்தித்துள்ளது. ஒரு கிராம் வெள்ளி ₹20 குறைந்து ₹295 ஆகவும், கிலோவிற்கு சுமார் ₹20,000 வரை குறைந்து விற்பனை செய்யப்படுவதாக தகவல் வெளியாகியுள்ளது. டாலர் வலுப்பெற்றது தங்கம் விலை குறைவதற்கான முக்கிய காரணங்களில் ஒன்று அமெரிக்க டாலர் வலுப்பெற்றதே என பொருளாதார நிபுணர்கள் கூறுகின்றனர். வளைகுடா நாடுகளில் கச்சா எண்ணெய் விநியோகம் பாதிக்கப்பட்டதால் United States எரிசக்தி முக்கியத்துவம் அதிகரித்துள்ளது. இதனால் முதலீட்டாளர்கள் தங்கத்தை விட டாலரை நோக்கி நகரத் தொடங்கியுள்ளனர். வட்டி விகித உயர்வு எதிர்பார்ப்பு அமெரிக்காவில் பணவீக்கத்தை கட்டுப்படுத்த வட்டி விகிதங்கள் உயர்த்தப்படலாம் என்ற எதிர்பார்ப்பு உருவாகியுள்ளது. இதன் காரணமாக வட்டி வருமானம் தரும் பத்திரங்கள் முதலீட்டாளர்களுக்கு அதிக கவர்ச்சியாக மாறியுள்ளது. லாபம் பதிவு செய்யும் முதலீட்டாளர்கள் கடந்த சில மாதங்களில் தங்கம் வரலாறு காணாத அளவுக்கு உயர்ந்த நிலையில் இருந்தது. அதனால் முதலீட்டாளர்கள் லாபத்தை பதிவு செய்ய தங்கத்தை விற்பனை செய்வதும் விலை சரிவுக்குக் காரணமாக இருப்பதாக கூறப்படுகிறது. மீண்டும் உயர வாய்ப்பு? நிபுணர்களின் மதிப்பீட்டுப்படி, தற்போதைய சரிவு தற்காலிக திருத்தம் மட்டுமே என கூறப்படுகிறது. போர் நீண்டகாலம் தொடர்ந்தால் தங்கம் மீண்டும் பாதுகாப்பான முதலீடாக மாறி விலை உயர வாய்ப்பு இருப்பதாகவும் அவர்கள் தெரிவிக்கின்றனர்.
ஈரானின் உச்ச தலைவர் Ali Khamenei மரண செய்தியைத் தொடர்ந்து கர்நாடகாவில் உள்ள ஒரு சிறிய கிராமம் மூன்று நாட்கள் துக்கம் அனுசரித்தது பெரும் கவனத்தை ஈர்த்துள்ளது. Karnataka மாநிலத்தில் உள்ள Alipur கிராம மக்கள், காமேனியின் மறைவுக்காக தங்களது இரங்கலை வெளிப்படுத்தி பல்வேறு நிகழ்வுகளை நடத்தினர். ‘மினி ஈரான்’ என அழைக்கப்படும் கிராமம் பெங்களூருவிலிருந்து சுமார் 70 கிலோமீட்டர் தொலைவில் உள்ள Chikkaballapur மாவட்டத்தின் Gauribidanur தாலுகாவில் அமைந்துள்ள அலிபூர் கிராமம், அதன் சமூக அமைப்பின் காரணமாக ‘மினி ஈரான்’ என்று அழைக்கப்படுகிறது. இந்தக் கிராமத்தில் சுமார் 25,000 ஷியா முஸ்லிம்கள் வசித்து வருகின்றனர். அருகிலுள்ள Pottenahalli பகுதியில் மேலும் ஆயிரம் பேர் வாழ்கின்றனர். இவர்கள் பலரும் ஈரானின் கலாசாரம், மத மரபுகள் மற்றும் சமூக பழக்கவழக்கங்களைப் பின்பற்றுகின்றனர். காமேனியின் பழைய வருகை 1986ஆம் ஆண்டு Ali Khamenei ஈரானின் அதிபராக இருந்த காலத்தில், அலிபூர் கிராமத்தில் உள்ள ஒரு மருத்துவமனையைத் திறந்து வைப்பதற்காக அவர் அந்த இடத்துக்கு வந்திருந்ததாக உள்ளூர் மக்கள் கூறுகின்றனர். அந்த வருகை கிராம மக்களிடம் ஒரு சிறப்பு நினைவாக இருந்து வந்ததால், அவரது மறைவு செய்தி அவர்களிடம் பெரும் உணர்ச்சியை ஏற்படுத்தியுள்ளது. துக்கத்தில் மூழ்கிய கிராமம் காமேனி உயிரிழந்ததாக தகவல் வெளியானதும், கிராம மக்கள் தாமாகவே கடைகள் மற்றும் வியாபார நிலையங்களை மூடினர். கிராமம் முழுவதும் மக்கள் குழுக்களாகச் சேர்ந்து காமேனியின் புகைப்படங்களை ஏந்தி இரங்கல் தெரிவித்தனர். பலர் கருப்பு உடை அணிந்து துக்கத்தை வெளிப்படுத்தினர். ஈரானுடன் உள்ள வரலாற்றுப் பிணைப்பு அலிபூர் கிராமத்தின் பழைய பெயர் பெல்லிகுண்டே எனக் கூறப்படுகிறது. Bijapur Adilshahi ஆட்சிக் காலத்தில் ஷியா முஸ்லிம் சமூகத்தினர் இப்பகுதிக்கு குடிபெயர்ந்து வந்ததன் பின்னர் கிராமம் ‘அலிபூர்’ என அழைக்கப்படத் தொடங்கியது. இந்த சமூகத்தின் பல குடும்பங்கள் வர்த்தகம், கல்வி மற்றும் மதப் பயிற்சி காரணமாக ஈரான் மற்றும் மேற்காசிய நாடுகளுடன் தொடர்புகளை தொடர்ந்து வைத்திருக்கின்றனர். மதத்தைத் தாண்டிய உறவு அலிபூர் கிராமத்தைச் சேர்ந்த உருது கவிஞரும் முன்னாள் பத்திரிகையாளருமான Shafiq Abidi கூறுகையில், ஈரானுடன் இந்தக் கிராமத்திற்கு உள்ள உறவு வெறும் வர்த்தகம் அல்லது கல்வி தொடர்பானது மட்டுமல்ல; அது மத நம்பிக்கை மற்றும் ஆன்மிக வழிகாட்டுதலுடனும் தொடர்புடையதாக உள்ளது என விளக்கியுள்ளார். இந்த பின்னணியில்தான் காமேனியின் மறைவு அலிபூர் கிராம மக்களிடையே ஆழ்ந்த உணர்ச்சியை ஏற்படுத்தியுள்ளதாக கூறப்படுகிறது.
கேரள மாநிலம் திருச்சூரில் அமைக்கப்பட உள்ள சேதனா கானாஸ்ரமம் என்ற கலாச்சார மற்றும் இசை வளாகத்திற்கு C. P. Radhakrishnan இன்று அடிக்கல் நாட்டினார். இந்த மையம் அனைத்து மதத்தினருக்கும் ஆன்மீக விழிப்புணர்வை ஏற்படுத்தும் நோக்கில் உருவாக்கப்படுகிறது. இது குரியகோஸ் எலியாஸ் சேவை சங்கத்தின் ஒரு திட்டமாகவும், திருச்சூரில் உள்ள CMI தேவமாதா பொதுப் பள்ளியின் முன்முயற்சியாகவும் அமைகிறது. “இசை – நமது நாகரிகத்தின் ஆன்மா” நிகழ்ச்சியில் உரையாற்றிய துணைத்தலைவர், இந்தியாவின் இசை பாரம்பரியம் ஆயிரக்கணக்கான ஆண்டுகளைக் கடந்த ஒரு ஆழமான மரபு என்று குறிப்பிட்டார். அவர் கூறியதாவது: பாரதத்தின் இசை வெறும் ஒலி அல்ல அது தியானம், பிரார்த்தனை, ஆன்மீக அனுபவம் மற்றும் வாழ்வின் கொண்டாட்டம் கோடிக்கணக்கான இதயங்களை ஒரே தாளத்தில் இணைக்கும் சக்தி இசைக்கு உண்டு வேதங்களின் காலத்திலிருந்தே இசை இந்திய நாகரிகத்தின் ஓர் அங்கமாக இருந்ததாக அவர் சுட்டிக்காட்டினார். வரலாற்று ஆதாரங்கள் தென்னிந்திய இசை மரபை எடுத்துரைக்கும் போது, Brihadeeswarar Temple கல்வெட்டுகள் உள்ளிட்ட வரலாற்று சான்றுகளை அவர் குறிப்பிட்டார். மேலும், தேவாரம் போன்ற புனித பாடல்கள் கோயில்களில் தொடர்ந்து ஒலித்து வருவது, இந்திய இசை மரபின் நிலைத்தன்மையை நிரூபிப்பதாகவும் தெரிவித்தார். இந்திய இசையின் பல்வகை தன்மை இந்தியாவின் பல்வேறு இசை மரபுகள் – பக்தி இசை, நாட்டுப்புற இசை, சாஸ்திரிய இசை – அனைத்தும் ஒரே நாகரிக வேர்களை பகிர்ந்து கொள்கின்றன என்று துணைத்தலைவர் கூறினார். இசை மதங்களையும், மொழிகளையும் தாண்டி மக்களை இணைக்கும் சக்தியாக திகழ்கிறது என அவர் வலியுறுத்தினார். முக்கிய பிரமுகர்கள் பங்கேற்பு விழாவில் கலந்து கொண்டவர்கள்: Rajendra Vishwanath Arlekar Suresh Gopi R. Bindu Andrews Thazhath மேலும் பல்வேறு சமூக, மத மற்றும் கல்வித் துறை பிரதிநிதிகளும் நிகழ்வில் பங்கேற்றனர். மொத்தத்தில் சேதனா கானாஸ்ரமம், இசை மற்றும் ஆன்மீகத்தின் மூலம் சமூக ஒற்றுமையை வளர்க்கும் ஒரு முக்கிய முயற்சியாகக் கருதப்படுகிறது. இந்திய இசை மரபின் ஆன்மீக ஆழத்தையும் கலாச்சார வேர்களையும் மீண்டும் நினைவூட்டும் நிகழ்வாக இந்த அடிக்கல் நாட்டும் விழா அமைந்தது.
